Thursday, July 21, 2011
नेपाली एकता समाज फ्रान्सको तेश्रो बार्षिकोत्सब सम्पन्न
काशी कार्की, फ्रान्स । फ्रान्सका लागि नेपाली राजदुत दम्पति मोहनकृष्ण श्रेष्ठ र श्रीमती सजना श्रेष्ठको प्रमुख आतिथ्यतामा नेपाली एकता समाज फ्रान्सको तेश्रो बार्षिकोत्सब १७ जुलाईका दिन सम्पन्न भएको छ ।
कार्यक्रममा एनआरएनए फ्रान्सका आइसीसी सदस्य हरीहर अर्याल, एभरेष्ट नेपाल एसोसियसनका अध्यक्ष शैलेन्द्र महर्जन, पाको फाम की अध्यक्ष जिता कटुवाल, तमु समाज फ्रान्स र अन्य संघसंस्थाका प्रतिनिधिहरुका साथै फ्रान्सका विभिन्न क्षेत्रमा रहेका नेपालीहरुको उल्लेखय उपस्थिती रहेको थियो ।
यसैगरी राजदुत श्रेष्ठले विगतका दिनमा नेपाली राजदुतावास फ्रान्स र नेपाली एकता समाज फ्रान्स नेपाल र नेपाली राष्ट्रियताको भलाईमा हुने कार्यमा सहकार्य गरी सहभागि हुने बताउदै कार्यक्रमको सफलताको सुभकामना दिनु भएको थियो । साथै आइसीसी सदस्य हरीहर अर्याल र जिता कटुवालले पनि एकता समाजले उदार मन बनाएर प्रुान्समा रहेका नेपालीलाई सहयोग गर्दै आएकोमा धन्यवाद दिदै कार्यक्रमको सफलताको कामना गर्नु भएको थियो ।
त्यसैगरी कार्यक्रममा नेपाली एकता समाजका अध्यक्ष तप्त भण्डारीले समाजको बार्षिक गतिविधहरुका बारेमा जानकारी गराउनु भएको थियो भने खेलकुद प्रतियोगितामा राष्ट्रिय तथा अन्तराष्ट्रिय रुपमा प्राप्त उपाधिहरुको पनि पर्दशन गरिएको थियो ।
कार्यक्रममा हलयाण्डबाट आएका नेपाली कलाकार राजु गुरुङ, विन्दिया गुरुङ र स्थानिय कलाकार सोनी थापा निलम नेपाल दिब्या गिरी फ्लोरेन्स मल्ल सन्त पुन कमल काफ्ले आदिले सास्कृतिक मनोरन्जन प्रश्तुत गरेका थिए ।
संस्थाका कोषाध्यक्ष सुक गुरुङको टोलिले नेपाली खानाको व्यवस्था गर्नु भएको थियो भने कार्यक्रमको उद्घोषण महासचिव प्रमोद पाण्डे र सास्कृतिक कार्यक्रमको उद्घोषण ध्रुव घिमिरेबाट गरिएको थियो ।
कार्यक्रमको अन्त्यमा संस्थालाई उल्लेखय सहयोग पुर् याउनु हुने ऐकेन्द्र मल्ल र विष्णु पुनलाई सम्मान पनि गरिएको थियो ।
(" READ MORE ..")
